Төлөннөөх эҕэрдэ төрүт тыл уонна сурук-бичик күнүнэн!

Саха сирин бастакы Бэрэсидьиэнэ Михаил Ефимович Николаев 1996 сыл олунньу 9 күнүнээҕи 1294 №-дээх «Төрөөбүт тыл уонна сурук-бичик күнүн биллэрии туһунан» Ыйааҕыгар олоҕуран, Семен Андреевич Новгородов төрөөбүт күнэ – олунньу 13 күнэ – Төрөөбүт тыл уонна сурук-бичик күнүнэн биллэриллибитэ.

Бу Күн олохтонуута Саха Сирин төрүт олохтоохторун төрөөбүт тылларын сайыннарыыга, бастакы саха суругун-бичигин олохтообут саха лингвист-учуонайа, бастакы саха үөрэҕин кинигэлэрин таһаарааччы Семен Андреевич Новгородов сырдык кэриэһин үйэтитэр, аатын ытыктатар соруктаах.

Сахалыы сайаҕастык саҥара-иҥэрэ сылдьыахха, доҕоттор! Ийэ тылбыт үүнэ-сайда, чэчирии турдун!

Эҕэрдэни кытта Леонид Спиридонов